Just another WordPress.com weblog
Ekki fer ég í ræktina í dag. Sé ekki að það gangi þar sem ég er hlaupandi á klóið reglulega. Því ég náði mér í ógeðslega leiðinlega blöðrubólgu. ARG hvað það er leiðinlegt. Annars er ég að vinna núna svo kannski best að hætta blogga. En fer þá sjálfsagt ekki aftur fyrr en ég get farið að halda í mér aftur (fliss).
Kveðja 70kg
Fór í ræktina í morgun. Þannig að nú eru komin 2 skipti. Montin ég. Hef gjörsamlega ekkert annað að segja svo ég sleppi því bara.
Jamm ég er nú ekki voða dugleg að skrifa inn hér. En þetta er helst að frétta. Fór í sveitina um helgina og það var bara fínt. Fór svo í ræktina um 7:15 í morgun. Bara fínt að mæta svona snemma meðan kallinn er heima. Fer aftur á morgun en þá ætla ég að fara fyrir 7 kannski 15 mín í. Lítið að frétta svo sem maturinn gengur lala og ræktin líka en ég er þó farin að mæta 1-2 í viku sem er framför en stefni enn á að mæta minnst 4 sinnum. Jæja farin að hjálpa við heimalærdóm.
Hey já fékk launahækkun í dag. Vissi ekkert af því fyrr en bossinn dró mig til hliðar og hvíslaði því að mér. Bara snilld fékk aðra launahækkun fyrr í sumar. Fékk þessa þar sem ég stend mig svo vel í vinnunni sagði hún. Gaman að sjá launaseðilinn þegar hann kemur. Allt auka er gott. Veit ekki um neinn sem myndi neita smá auka pening 
Dagur 2
Gekk bara fanta vel. Svo í morgunkaffinu var súkkulaði, kex, ostar og ostaterta. 2 konur að koma heim frá útlöndum. Ég fékk mér smá ostaköku og nokkur svona kex eins og ritz. Svo í hádeginu langaði mér SVO í meiri köku og kex, en ég drakk minn sheik og leið klikkað vel á eftir. Stóðst þessa freistingu með brosi. Svo ætlaði ég í ræktina en fékk þennan massa hausverk um 2 leitið og dópaði mig upp en nibb paratabs og fleira ekki að virka. Svo beint í rúmið og leggja sig þegar ég kom heim. Svo fór ég út um kvöldið og vanalega þegar ég fer í þessa heimsókn þá stoppa ég í sjoppunni nema ekki núna. Var að sprynga úr monnti. Svo varð ég smá nammi svöng og mundi að ég var með 1 próteinbar í töskunni og nartaði í það en bara helminginn Skelli inn þriðjudeginum í kvöld Sælar stelpur.
Og ég fór í ræktina. Ætlaði nú í gær en já það fór ekki þannig. Þvílíku samræðurnar í hausnum á mér stundum. En fór í dag og er strax orðin sátt. Er að reyna koma mér í það að ef ég fer ekki einn dag eða fæ mér óhollt þá sé ekki allt ónýtt og því verði ég að éta eins daginn eftir. Er mikið búin að hugsa og held að takmarkið fram að jólum hafi verið helst til mikið. Ætla bara reyna losna við 500 gr á viku og allt annað er plús. Þá næ ég samt 6.5 kg af fyrir jólin. Jæja best að fara koma sér í að fara í sturtu. Sveitt eftir átökin áðan. Voða gaman, var í 10 mín á brettinu, 20 mín á hjólinu og 10 mín á skíðavélinni og svo teygjur í allar áttir. Þetta var samkvæmt vélunum 319 kcal en ég held samt meira. Bless í bili.
Fór í ræktina í dag. Keypti nýtt kort sem endist til áramóta. Var voða dugleg. Labbaði í 20 mín, hjólaði í 15 og prufaði svo eitthvað tæki sem virkar eins og maður sé á línuskautum. Gat reyndar ekki nema 2 mín á því :S
Matarhliðin er að koma saman en þetta er enn ströggl. Reyni eins og ég get. En til að byrja með legg ég áherslu á að mæta alla vega 4 sinnum í viku í ræktina. Helst alla virka daga.
Jæja fór í ræktina í dag. Fór á vigtina og mældi allt sem mig langar að fylgjast með. Vigtin sagði 118,2 kg. Sem er slatti hátt. En hef séð hana hærri svo ég kvarta ekki. Jæja best að skella sér í sturtu og svo verður næst vigtun á föstudag. Stefni á að missa 500 gr. Byrja á lágri tölu, því ef ég set of hátt og næ ekki dett ég í down skap og því fylgir líka heiftarleg matarþörf. Stefni líka á að ná 110 kg fyrir 24 des. Það eru 99 dagar. Eða 14 vikur. Þannig að ég þarf að missa 1,3 á viku. Það ætti að vera löglegt takmark…
Gleymdi að skrifa í gær það var allt á fullu að mér fannst. En matarlega gekk vel alveg fram að kvöldmat. Eins og svo oft áður. Annars var voða lítið að gerast hjá mér.
Jæja ég er að deyja ég er svo stolt. Fór í búðina nokkru sinnum í dag þar sem ég er voða óskipulögð. Stóð mig að því að labba inn á nammiganginn og horfa hmmm hvað á ég að fá mér. EN keypti ekki neitt í öllum ferðunum. Svo fór ég spes ferð til að kaupa mér óhollt en hætti við og keypti kjúklingabringu og sósu í staðinn. Svo var fúlt ég gleymdi að færa pening milli korta og fékk synjun, ekkert mál hringdi og reddaði þessu á undir 1 mín. Nei þá afgreiddi hann 4 og ég beið voða stillt og alltaf bættist í röðina og ég til með kortið. Þegar hann fór að afgreiða 5 manneskjuna gekk ég út og fór í 10-11 og viti menn valdi það sama en kostaði um 500 kr minna en í strax! EN ég keypti sem sé ekki nammi. Er í voða góðu og stoltu skapi og er að elda as we speak. Svo ég er farin að brasa kjúlla.
Get nú ekki sagt að ég hafi verið voða dugleg með matinn. Svindlaði slatta en það er að minnka. En samt fóru 1,3kg í þessari viku. Get ekki sagt ykkur hvað ég er ánægð. Ef þetta hjálpar manni ekki í gott skap og smá jákvæðni veit ég ekki hvað gerir það. Eins og alltaf gleymdi ég að skella inn í gær, fyrri partu góður alveg fram að svona 5 leitið og þá féll ég. Á erfiðast með mig seinni partinn. Tími til komin að frysta veskið held ég.
