Draumatalan er 70 kg

here we go again and again and again

70kg — Mon, 25 Apr 2011 18:38:38 +0000

Búin að taka stóra ákvörðun, búin að velta henni fyrir mér í nokkurn tíma. Ég ætla að fara í magabandsaðgerð. Verst er að þeir gera þetta ekki á íslandi og því þarf að fara til Bretlands. Nú er bara að smala saman seðlunum. Ég ætti að geta reddað þessu á um 2 árum svo ég get lifað það af. Væri minnsta mál ef við hefðum ekki bæði ákveðið að skella okkur í skóla á sama tíma núna.

Fór út að hjóla með köllunum mínum, hjóluðum 9 km sem var ekki svo slæmt nema meiri hlutinn af leiðinni var aflíðandi og ég með lítið sem ekkert þol. Þarf pottþétt að skella mér í ræktina á miðvikudaginn.

vika 3

70kg — Mon, 03 May 2010 10:34:34 +0000

hef ekki tíma til að skrifa mikið, en enn gengur allt vel og þó kg fari hægt af þá eru þau samt að fara

heyrumst

2 vikur búnar

70kg — Mon, 26 Apr 2010 11:02:22 +0000

Jæja í gær fékk ég mér bæði kökur og gos, fór í skírnarveislu og át ogguponsu of mikið. Og það sést á vigtinni. En hey fituprósentan er komin niður um 2% svo það er í lagi. Á laugardaginn var ég 120,9 en í dag 121,9 svo kökurnar höfðu greinilega eitthvað að segja með það.

dagur 11

70kg — Thu, 22 Apr 2010 15:49:36 +0000

wow hvað þetta líður hratt. Gengur vel enn sem komið er. Samt vantar mig meira herbalife svo ég hef verið að éta skyrboost í staðin og það er bara fínt svona til tilbreytingar. Fer í skírnarveislu á sunnudaginn og veit að ég fæ mér köku þar. Ég ætla bara að vera búin að fá mér að borða áður en ég fer til að minnka líkurnar á því að ég borði of mikið. Verður gaman að sjá hvaða tölu vigtin sýnir mér á mánudaginn. Ég nálgast alltaf fyrsta takmarkið mitt og það er gott

9

70kg — Tue, 20 Apr 2010 21:25:52 +0000

Ekkert varð úr þjálfun í dag, akkúrat þegar ég var á leiðinni út um hurðina hringdi síminn og ég ákvað að sjá hver þetta væri. Svaraði auðvitað þegar ég sá að þetta var skólinn hjá guttanum. Gormurinn hafði hlaupið á staur og kastast aftur fyrir sig og skallað malbikið þannig að hann hlaut tvær kúlur aðra að framan og hina að aftan. Endaði með hann upp á FSA um kvöldið bara til að vera viss.

Fór og hitti lækninn á Kristnesi. Var mjög fegin að frétta að það er alla vega 1-2 ára biðlisti. Því það gefur mér meiri tíma til að gera þetta sjálf. Var samt mjög ánægð þegar hann tók blóðþrýstinginn og sagði hann vera 130/80 því hann var 135/95 fyrir viku síðan og það er of hátt.

dagur 8 -2,4kg

70kg — Mon, 19 Apr 2010 11:25:11 +0000

jæja þá er fyrsta vigtun búin og hún var bara fín. Maður vill alltaf meira hihi. Svo er hugsanlega ræktin í dag, ef ég næ að klára læra fyrir heimaverkefnið. Annars fer ég í þjálfun á morgun og líka í viðtal út á Kristnesi, vonandi kemst ég samt ekki inn fyrr en eftir jól svo ég nái nú að klára skólann. Jæja best að fara éta.

Mmmmmm góður kvöldmatur. Ég fékk grillaðar kjúklingalundir og grillaða kartöflu og kristó vildi frekar pastabakka.

dagur 7 :D

70kg — Sun, 18 Apr 2010 13:07:02 +0000

JEI vigtun í fyrramálið Fór í ræktina áðan og sit nú sveitt og mygluð og blogga og spjalla við kallinn áður en ég nenni í sturtu. Síðan fer dagurinn í það að læra og taka til bæði eitthvað sem er nauðsynlegt skal ég segja ykkur. Voða lítið að frétta annars, nema Palli kemur heim á sunnudag eða mánudaginn það verður fjör. Jæja nenni ekki að skrifa meir svo ég segi yfir og út :p

laugardagur en ekki nammidagur

70kg — Sat, 17 Apr 2010 12:19:02 +0000

Þetta er hálf skrítið. Yfirleitt bíður maður alla vikuna eftir að geta gúffað í sig sælgæti en nú ætla ég ekki að kaupa neitt nammi og ekkert gos. Í staðinn ætla ég í ræktina og svitna smá. Skelli kannski meiru inn í kvöld. Stefnan sett á að læra eins og brjáluð í dag og morgun.

Ekkert varð af ferð í ræktina haha fór í fötin og gerði mig klára, settist svo niður og kíkti aðeins á heimaverkefnin mín í stærðfræði og púff búið að loka ræktinni. Fer í fyrramálið í staðin. Fór með stráknum í búðina og keypti handa honum sælgæti og gos, en ekkert fyrir mig, freistingin var ekki einu sinni það mikil að ég þyrfti eitthvað að hafa mig við að kaupa ekki svo það er flott. Við ætlum að hafa hamborgara og ofnkartöflur í kvöldmatinn. Minn verður bara með tómatsósu og dijon sinnepi og þetta eru heima kartöflur en ekki franskar og verða étnar með tómatsósu mmmmm hlakka til.

Ætli ég láti þetta ekki vera nóg í dag. Heyrumst á morgun eftir ræktina

5

70kg — Fri, 16 Apr 2010 17:22:44 +0000

Jæja búin að fá út úr blóðprufunni og allt er innan eðlilegra marka þó hann sjái mun frá því síðast. s.s kólestrolið aðeins farið að hækka og skjaldkirtillinn ekki að starfa alveg rétt en samt er allt innan eðlilegra marka. Nú er bara halda áfram og kippa þessu öllu í lag

Dagurinn búin að ganga ágætlega so far. Er mikið að skoða hvað ég eigi að borða annað kvöld, langar í eitthvað gott en samt ekki óhollt. Fyrsti nammi og goslausi laugardagurinn. Hef ekkert drukkið nema vatn og mjólk í sheikinn minn í 5 daga og það er í fínu lagi hingað til.

Jæja farin að fá mér sheik og halda áfram að læra, ekki veitir af.

dagur 4

70kg — Thu, 15 Apr 2010 19:07:55 +0000

Engar fréttir enn af blóðprufunni. En ég fór í ræktina og úff hvað ég er í slæmu formi :s En það breytist með tímanum. Hey ég fékk líka símtal frá lækninum á Kristnesi, bjóst nú ekki við því fyrr en eftir um 1 ár, en ég ætla hitta hann á þriðjudaginn og svo sjáum við hvað gerist. Ég er að vona að ég komist ekki inn í hóp fyrr en í febrúar haha því ég hef ekki tíma til að eyða um 8 klst á dag í annað en að læra.

Jæja þá er að staulast í sturtu og vona ég geti gengið fyrir strengjum á morgun